Müəllimlər üçün təlimat

Ana səhifədəki "Qeydiyyat" düyməsinə basın və müəllim kimi qeydiyyatı seçin. Ad, soyad, e-poçt, şifrə və tədris etdiyiniz fənn kimi məlumatları daxil edin. E-poçtunuza göndərilən təsdiq kodunu daxil edərək hesabınızı aktivləşdirin.

Sistemə daxil olduqdan sonra "İmtahanlarım" bölməsinə keçin və "Yeni imtahan" düyməsinə basın. İmtahana bir ad verin (məsələn: "Buraxılış İmtahanı - Təbiət"), imtahanın müddətini (dəqiqə ilə) təyin edin. Əlavə olaraq sualların qarışdırılması, düzgün cavabların göstərilməsi kimi ayarları seçə bilərsiniz.

İki seçim var:

• Tələbə ödəyir: Hər tələbə imtahana qoşulmaq üçün təyin etdiyiniz qiyməti ödəyir. Bu gəlir sizinlə platforma arasında bölünür.
• Müəllim ödəyir: Siz iştirakçı yerlərini əvvəlcədən alırsınız (məsələn, 30 tələbəlik), tələbələr isə pulsuz qoşulur.

İmtahanınıza fənlər əlavə edin (məsələn: Riyaziyyat, Fizika, Kimya). Hər fən üçün bir sualın neçə bal olduğunu təyin edə bilərsiniz — beləcə fərqli fənlərə fərqli çəki verə bilərsiniz.

Hər fənə suallar əlavə edin. Üç növ sual dəstəklənir:

• Çoxvariantlı: Bir neçə variant, biri düzgün.
• Doğru-yanlış: İki variantlı sadə suallar.
• Açıq cavab: Tələbə cavabı özü yazır.

Hər sualın düzgün cavabını qeyd etməyi unutmayın. Suallara şəkil də əlavə edə bilərsiniz.

İstəsəniz, "hər N yanlış cavab bir düzgün cavabı silir" qaydasını təyin edə bilərsiniz. Bu, real imtahanlardakı kimi mənfi bal sistemidir. Məsələn, "hər 4 yanlış 1 düzgünü aparır" seçsəniz, hər fəndə tələbənin yanlışları düzgün cavablarını azaldacaq.

İmtahan hazır olduqda (ən azı bir sual əlavə etdikdən sonra) "Aktivləşdir" düyməsinə basın. Əgər "müəllim ödəyir" modelini seçmisinizsə, iştirakçı yerlərinin ödənişi tələb olunacaq. Ödənişdən sonra imtahan aktivləşir və sistem sizə 8 rəqəmli bir imtahan kodu verir. Bu kodu tələbələrinizlə paylaşın.

İmtahan aktiv olduqdan sonra da iştirakçı yerlərinin sayını artıra bilərsiniz. "Müəllim ödəyir" modelində yalnız yeni əlavə olunan yerlər üçün ödəniş edirsiniz.

"İştirakçılar" bölməsində imtahanınızı verən bütün tələbələri, onların nəticələrini görə bilərsiniz. Həmçinin fən üzrə orta nəticələr, ən çətin suallar (ən çox səhv edilən) kimi statistikalar sizə tələbələrin zəif tərəflərini göstərir.

Tələbələrin ödədiyi məbləğin sizə düşən hissəsi balansınıza əlavə olunur. Bu məbləği "Ödənişlərim" bölməsində görürsünüz. Balansınız təyin olunmuş minimum həddə çatdıqda, ödənişinizi tələb edə bilərsiniz — bunun üçün bizimlə WhatsApp vasitəsilə əlaqə saxlayırsınız.